تشاينيز فود لحمة ومكرونه مطبخ العائلة شيف محمد بقشيش

10/25/2018 12:45:07 PM





المقادير: 
اللحمة(كيلو لحمه شاورما / ملح وفلفل/ توابل مشكله وتوابل لحمة/ بودرة توم وبصل/ قرفه وجنزبيل/ بابريكا وزعتر ) 
الخضار( كوسه وجزر مقطعين حلقات / فلفل رومي والوان مقطعين شرايح / بصله بيضه شرايح ) 
المكرونه ( كيس مكرونه / زيت / توم وبصل مفرومين/ عصير طماطم / ملح وفلفل / توابل مشكله وقرفه) 
الصوووص اهم حاجه ( معلقتين كبار عسل ابيض او سكر / معلقتين صغيرين نشا في شويه مايه / تلت معالق كبار صويا صووص / شويه عصير طماطم صغيريين اووي / معلقه كاتشب كبيره / صوص شطه علي حسب الرغبه / معلقه صغيره دبس رمان / رشة جنزبيل / بابريكا ) 

الطريقه:
هنحط اللحمه علي النار لوحدها خالص لمده ساعه تقريبا وبعدين نحط عليها التوابل كلها ملح وفلفل وتوابل اللحمه والمشكله وبودرة التوم والبصل والقرفه والجنزبيل والبابريكا والزعتر ونقلب كويس ونسبها كمان شويه علي النار 
الخضار نكون مقطعينه وجاهز الجزر والكوسه والفلفل والبصل 
نسلق المكرونه ونصفيها وفي معلقه زيت نشوح البصل والتوم ونحط عليهم شويه عصير طماطم والملح والفلفل وتوابل المشكله والقرفه ونسبهم علي النار شويه 
نجهز الصوص في حله لوحده نحط كله علي بعضه العسل والسكر او حاجه من الاتنين والصويا صوص وشويه صغيره اوووي من عصير الطماطم وكاتشب وبابريكا ودبس رمان وجنزبيل ونقلب كله كويس ونحط معلقه صغيره نشا في شويه مايه ونحطهم علي الصوص لو احتجنا تاني نزود معلقه تانيه وممكن منزودش ونقلب لحد ما يتقل شويه ونطفي النار 
نجيب جزء من الخضار يكون كتير شويه نحطهم علي اللحمه وعليهم معظم الصوص ونقلب ونسبها خمس دقايق ونطفي 
وجزءالخضار التاني يكون قليل نحطه علي صلصه المكرونه وعليها شويه صغيره من الصوص ونحط عليهم المكرونه ونقلبها كويس وبعدين هنخلط كله مع بعض المكرونه واللحمة ولعدين نحطهم علي النار شوية بس ونطفي ونقدمهم 
وبالف هنا

اضف تعليق

التعليقات

لا توجد تعليقات على الخبر اضف تعليق

 

 


لن يتم عرض التعليق فى الجزء الخاص بالتعليقات إلا بعد موافقة إدارة الموقع عليه وشكرا لمتابعتنا

سوشيال

تابعونا على جميع الوسائل الاكترونية الاعلامية

مقالات الرأى

المزيد من مقالات الرأى