صدور الفراخ بالبقدونس مع البطاطس البيوريه بصوص الكريمة بالمشروم وخضار سوتيه مطبخ العائلةشيف محمد بقشيش

10/25/2018 8:54:10 PM





المشهد اليوم-

وجبه متكامله وطعمهااا فوق الخيااال جربوها وهتحسوا أنكم في احلي واغلي مطعم
 

المقادير: 
صدور فراخ / توم مفروم / ملح وفلفل / معلقتين كبار زبادي/ بقدونس وشبت مقطعين / عصير لمونه / معلقه كبيره خل / زيت زيتون 

الطريقه: 
صدور الفراخ تكون سليمه ونفتحها بالسكينه بس من غير مانفصلها عن بعض ونجهز كل الكميه بالطريقه دي 
نجهز التتبيله نحط كله علي بعض البقدونس والشبت والتوم والزبادي والملح والفلفل واللمون والخل ونقلب كله كويس 
نتبل بيها الفراخ ونعمل فتاحات بالسكينه في الصدور عشان تستوي كويس ونسبها في التلاجه لحد قبل الاكل وكل لما تقعد هتبقي احلي 
نطلعها نسويها علي شوايه او في مقلايا عاديه مدهونه زيت زيتون ونغطيها بفويل ونقلبها كل شويه ونبقي متابعينها ومش هتاخد وقت خالص وتبقي جاهزه للتقديم 

البطاطس البوريه مع صوص الكريمه بالمشروم: 
المقادير: 
بطاطس مسلوقه ومهروسة/ قطعه زبده صغيرة / ورقتين بقدونس مقطعين 
الصوص ( كريمه طبخ/ مشروم / رشه ملح وفلفل / فصين توم مفروم / معلقه زيت زيتون/ توابل مشكله ) 

الطريقه: 
نسلق البطاطس و نهرسها بالشوكه ونحط عليها قطعه الزبده وورقتين البقدونس وممكن معلقه كريمه 
نجهز الصوص هنحط الزيت وعليه التوم يتشوح شويه ياخد لون كده بسيط ونحط الكريمه ورشه الملح والفلفل وتوابل المشكله وبعدين المشروم ونقلب لحد ما يبقي قوام حلو ونحطه علي البطاطس وتبقي جااهزه للتقديم 

الخضااار السوتيه: 
المقادير: 
كوسه صوابع / جزر مقطع صوابع / فاصوليا خضرا / معلقه زيت زيتون 

الطريقه: 
بنضف الخضار ونقطعه بأي طريقه ونقلبه كله في معلقه الزيت ونشوحه ونسيبه يستوي وبعدين يتقدم 
وبالف هنا

اضف تعليق

التعليقات

لا توجد تعليقات على الخبر اضف تعليق

 

 


لن يتم عرض التعليق فى الجزء الخاص بالتعليقات إلا بعد موافقة إدارة الموقع عليه وشكرا لمتابعتنا

سوشيال

تابعونا على جميع الوسائل الاكترونية الاعلامية

مقالات الرأى

المزيد من مقالات الرأى